Հալչող Վիտրուվիանյան մարդը

նկարը greenpeace.org

Արկտիկական սառույցներում  առաջացել է "Հալչող Վիտրուվիանյան* մարդը" նկարը:
Agence France-Presse -ը հաղորդում է որ իռլանդացի նկարիչ Ջոն Քվիգլին (John Quigley) Հյուսիսային սառուցյալ օվկիանոսում վերաստեղծել է Լեոնարդո Դա Վինչիի "Վիտրուվիանյան մարդը" ստեղծագործության բազմակի մեծացրաց կրկնօրինակը: Հսկայական նկարը որը անվանվել է "Հալչող Վիտրուվիանյան մարդը" տեղադրված է Հյուսիսային բեվեռից 800 կմ հեռավորության վրա Շպիցբերգենի և Գրենլանդիայի միջև գտնվող սառույցների վրա: Նկարի հիմնամասը կառուցվել է պղնձյա թիթեղներից, որոնք սովորաբար օգտագործվում են արևային մարտկոցների պատրաստման համար:

նկարը greenpeace.org

Ընդ որում նկարը ամբողջական չի.  մասնակի բացակայում է ձախ կողմը: Ինչպես պարզաբանում են "Գրինպիս" բնապահպանական կազմակերպությունում, այդպիսով նկարիչը ընդգծել է հյուսիսային սառույցների անհետացման վտանգավորությունը: "Եղանակային փոփոխությունները բառի բուն իմաստով խժռում են մեր քաղաքակրթության մարմինը", -: ասում է Քվիգլին:
Դա հեռու չէ իրականությունից. գիտնականների դիտարկումների համաձայն այս տարվա օգոստոս ամսին, բեվեռային սառույցների մակերեսը ավելի շատ է կրճատվել քան նախորդ տարիներին, բացի 2007 -ից:
Վիտրուվիանյան*-Vitruvius-անտիկ հռոմեացի ճարտարապետ, որի մարդաչափական համամասնությունների ուսումնասիրությունների հիման վրա հաշվարկած և ստացված բանաձևերից , իր աշխատանքներում օգտվում էր  Լեոնարդո Դա Վինչին:
մասնակի կամ լրիվ արտատպելիս այս հոդվածի մշտական հասցեն է http://lurerarm.blogspot.com/2011/09/blog-post_10.html