Արտագաղթն ակտիվացել է

10.04.2012 Նկարը 7or.am

Արտագաղթը նոր թափ է հավաքում: Հայաստանը վերջին տարիներին աշխարհում առաջին տեղն է գրավում արտագաղթի տեմպերով / բնակչության թվի տոկոսային հարաբերությամբ/: Ամենասարսափելին այն է, որ մարդիկ չեն հավատում դրական փոփոխությունների եւ արդեն մեծամասամբ ընտանիքներով են լքում իրենց երկիրը: Այսինքն չեն հավատում ընտրությունների միջոցով իշխանափոխության, այս իշխանության պահպանումը նշանակում է մոտ ապագայում Հայաստանի որպես պետություն վերացում աշխարհի երեսից:
Այս տարի հունվար-մարտ ամիսներին օդային ճանապարհով («Զվարթնոց» և «Շիրակ» օդանավակայաններ) Հայաստան է ժամանել 143 հազար 998 մարդ, իսկ մեկնել է 172 հազար 580 մարդ: Բացասական սալդոն անցած ամիսներին կազմել է 28 հազար 582 մարդ:

Նշենք, որ Քաղավիացիայի հրապարակած տվյալների համաձայն՝ 2011թ. հունվար-մարտին օդային ճանապարհով ժամանել էր 138 հազար 73 և մեկնել՝ 162 հազար 644 մարդ: Բացասական սալդոն եղել էր 24 հազար 571:

Փաստորեն, այս տարի հանրապետությունից քաղաքացիների արտահոսքը զգալիորեն ավելացել է:

Պատրաստված է http://lurerarm.blogspot.com/ Շնորհակալություն որ հետաքրքրվում եք բլոգով: Ամբողջական կամ մասնակի մեջբերումներ անելիս հղումը դեպի տվյալ գրառումը պարտադիր է: