Նյու-Յորքը փոթորկի պատճառով պատրաստվում է տարհանման(լրացված)

Այրին (Irene) կանացի անունը կրող փոթորիկը, որը շուտով ծածկելու է Նյու-Յորք քաղաքը, մասնագետների գնահատմամբ ամենաավերիչն է լինելու վերջին 50 տարիներում, ըստ նրանց այն իր մաքսիմալ ուժգնությանը կհասնի հանգստյան օրերին. մասնավորապես շաբաթ երեկոյան:
Օբաման զգուշացրել է որ փոթորիկը կարող է լինել ''պատմական'':
Արդեն սկսվել է բնակիչների տարհանումը Լոնգ-Բիչ ծայրամասային թաղամասերից, որը ցամաքին կապված է մեկ կամրջով: 
Քաղաքում և նրա ծայրամասերում արդեն սկսված անձրևը աչքի առաջ գնալով ուժեղանում է, մարդիկ խուճապի մեջ են :
Ըստ Սաֆֆիր-Սիմփսոնի սանդղակի 3-րդ աստիճանի վտանգավորության Այրին փոթորիկը արդեն ավերածություն է պատճառել Կուբայի, Հայիթիի, Պուերտո-Ռիկոյի, Դոմինիկյան հանրապետության տարածքներին, կան զոհեր: Ներկայումս դեպի Նյու-Յորք շարժվող փոթորկին ուղեկցող քամու արագությունը անցնում է 193 կմ ժամից: http://www.youtube.com/watch?v=WbMjr5hMhBE&feature=player_embedded

Հեռուստաընկերությունները խորհուրդ են տալիս նախորոք կատարել բոլոր անհրաժեշտ գնումները, որպեսզի ձեռքի տակ առաջին հերթին ունենան խմելու ջուր, դեղորայք ձեռքի լապտերիկներ, քանի որ փոթորիկը կարող է վնասել էլեկտրասնուցման գծերը :
''Մեր կանխատեսումը չի փոխվել, մենք զգուշացնում ենք Հյուսիսային Կարոլինայի և Հարավային Կարոլինայի բնակչությանը, Այրինը իրեն դրսևորելու է որպես արևադարձային փոթորիկ, մարդիկ պետք է առաջիկա ժամերին պատրաստ լինեն հորդառատ անձրևների և ուժեղ քամու '' -ասել է փոթորկի դիտարկման ամերիկյան կենտրոնի ղեկավար Բիլ Ռիդը, Ֆուգեյտի հետ համատեղ մամլո ասուլիսում, հաստատելով որ փոթորիկը նշված շրջաններ կհասնի շաբաթ առավոտյան:
Պենտագոնի մամլո ծառայությունը հաղորդում է որ արևելյան ափի բոլոր ռազմակայանները պատրաստվում են Այրին փոթորկին: