Երևանում շարունակվում է «Չեմ վճարելու 150 դրամ» ակցիան. տեսանյութ

"Մի ենթարկվեք քաղաքապետարանի ապօրինի որոշումներին", "վճարեք 100 դրամ", "Սա բոլորիդ երկիրն է", նման հայտարարություններով հայ երիտասարդները կոչ էին անում չենթարկվել Արտագաղթի քաղաքականության շրջանակներում արվող ապօրինի վարչախմբի ապօրինի որոշումներին:
  shamshyan com գրում է.
Երևանում շարունակվում է «Չեմ վճարելու 150 դրամ» ակցիան` ընդդեմ Երևանի քաղաքապետարանի կողմից հասարակական տրանսպորտի ուղեվարձի թանկացման: Այսօր առավոտյան մի խումբ քաղաքացիներ հավաքվել են Մաշտոցի պուրակում` գործողությունները համակարգելու համար:
Մաշտոցի պուրակ են ժամանել նաև ոստիկանական ուժեր և Երևանի քաղաքապետարանի տրանսպորտի վարչության պետ Հենրիկ Նավասարդյանը, որոնք փորձել են խոչընդոտել ակցիայի անցկացումը:
Տեսանյութ


Ակտիվիստները, սակայն, շարունակում են իրականացնել ակցիան, երթուղային տաքսիներին եւ ավտոբուսներին փակցնելով թռուցիկները, ուղեւորներին կոչ անելով չվճարել քաղաքապետարանի կողմից սահմանված ուղեվարձը, իսկ վարորդներին կոչ անելով գործադուլ անել:
 Ակցիային միացել են նաև դերասան Հայկ Մարությանը (Կարգին Հայկո) և նրա ընկերները,
ովքեր իրենց մեքենաներով կանգառներից մարդկանց են տեղափոխում Մաշտոցի պողոտայից Կոմիտասի պողոտա` ճանապարհին կոչ անելով չվճարել 150 դրամ:

---
Եւ
Բողոքի ակցիաները շարունակվում են վաղը `22.07.2013թ Կենտրոն վարչական շրջանում տրանսպորտի սակագնի բոյկոտման ակցիաների գրաֆիկներն են`
ԺԱՄԸ` 08:30 Մաշտոցի պուրակ
14:00 Մաշտոցի պուրակ
18:00 Մաշտոցի պուրակ
Հավաքվում ենք Մաշտոցի պուրակում հետևյալ ժամերին, ու սկսում ենք....... ՄԻԱՑԵՔ
ԵՐԻՏԱՍԱՐԴՈՒԹՅՈՒՆԸ ՈՒԺ Է, Վճարում ենք 100 դրամ

---

Եւ
Հուլիսի 22-ին քաղաքապետարանի դիմաց ցույց կանցկացվի, այն անց է կացվում ՀՅԴ «Նիկոլ Աղբալյան» ուսանողական և ՀՅԴ Հայաստանի
Երիտասարդական միությունների նախաձեռնությամբ.

Երկրում ստեղծվել են սոցիալ-տնտեսական ծանր պայմաններ, որը հասարակության զգալի հատվածի, հատկապես երիտասարդության արտագաղթի պատճառ է հանդիսանում:
Ելնելով տրանսպորտի գնի թանկացման արդյունքում հանրության լայն զանգվածների դժգոհություններից, ինչպես նաեւ այն սոցիալ-տնտեսական քաղաքականությունից, որը վարում են ՀՀ իշխանությունները` կոչ են անում Հայաստանի ողջ ուսանողությանն ու երիտասարդությանը' միահամուռ եւ համախմբված կերպով պայքարել իր ոտնահարված իրավունքների համար:

 Բոլոր շահագրգիռ կողմերին կոչ ենք անում միանալ մեր կողմից քաղաքային իշխանություններին` Երեւանի ավագանուն հասցեագրված այն պահանջներին, որոնք երկուշաբթի` հուլիսի 22-ին, ժամը 15.00-ին կներկայացվեն քաղաքապետարան , ասվում է հայտարարությունում: